६ ओभरमा घटाइएको खेलमा दीपेन्द्रको बलिङ र ब्याटिङकै पालो आएन, टिम विजयी
एजेन्सी : दीपेन्द्रसिंह ऐरीको टिम मोन्टरिएल टाइगर्सले क्यानडमा जारी ग्लोबल टी-२० लिगमा टोरोन्टो नेशनललाई डकवर्थ लुइस नियमको आधारमा २३ रनले पराजित गरेको छ।
वर्षाको कारण ६ ओभरमा छोट्टाइएको खेलमा नेपाली क्रिकेट टिमका अलराउन्डर दीपेन्द्रको भने प्लेइङ ११ मा परे पनि बलिङ र ब्याटिङ दुवैमा पालो आएन।
खेलमा टस हारेर पहिला ब्याटिङ गरेको मोन्टरियलले निर्धारित ६ ओभरमा २ विकेट गुमाउँदै ७७ रन बनाएको थियो। जसका लागि कप्तान क्रिस लिनले १८ बलमा सर्वाधिक अविजित ३८ रनको योगदान दिए।
जवाफमा ७८ रनको लक्ष्य पछ्याएको टोरोन्टो ६ ओभरमा २ विकेट गुमाउँदै ५४ रनमा समेटियो। यो जितसँगै मोन्टरिएल ६ खेलमा ४ जितपछि ९ अंकका साथ लिगको शीर्ष स्थानमा छ।
साउन १५, २०८० सोमबार १२:१२:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
