डर्टमण्डले २ मिनेटमा २ गोल गरेपछि हार्यो म्यानचेस्टर युनाइटेड
डोनियल मलेनले २ मिनेटमित्र २ गोल गरेपछि प्रिसिजिन टुरअन्तर्गत मैत्रीपूर्ण खेलमा जर्मन क्लब बोरिया डर्टमण्डले इंग्लिस क्लब म्यानेस्टर युनाइटेडमाथि ३-२ गोलअन्तरको जित निकालेको छ।
अमेरिकाको एलिजाइन्ट स्टेडियममा नेपाली समयअनुसार सोमबार बिहान भएको खेलको ४३ औं र ४४ औं मिनेटमा डर्टमण्डका मलेनले लगातार दुई गोल गरेका हुन्।
यद्यपि खेलमा अग्रता भने युनाइटेडले लिएको थियो। युनाइटेडका डियगो ड्यालेटले २४ औं मिनेटमा युनाइटेडलाई अग्रता दिलाएका थिए। तर पहिलो हाफमा युनाइटेड २-१ गोलअन्तरले पछि परेको थियो।
दोस्रो हाफमा ५२ औं मिनेटमा एन्टोनीले गोल गर्दै युनाइटेडलाई बराबरीमा ल्याएका थिए। तर ७१ मिनेटमा युसुफा मौकोकोले गोल गर्दै डर्टमण्डलाई ३-२ को जित दिलाए।
युनाइटेडले ३ दिनअघि पनि स्पेनिस क्लब रियल मड्रिडसँग २-० ले हार बेहोरेको थियो। प्रिमियर लिगको आगामी सिजनमा युनाइटेडले पहिलो खेल वुल्भ्ससँग अगस्ट १५ मा खेल्दै छ।
साउन १५, २०८० सोमबार १०:११:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
