७५ रुपैयाँमा तीन दिन चलाउन मिल्ने एनसेलको ‘बिन्दास डेटा प्याक’ सार्वजनिक
काठमाडौँ : एनसेल आजियाटाले जुनसुकै समय, जुनसुकै ठाउँ र प्रयोजनका लागि ५ घण्टाको अनलिमिटेड डेटा प्रयोग गर्न पाउने बिन्दास डेटा प्याक’ अफर ल्याएको छ।
कर सहित ७५ रुपैयाँमा लिन पाउनेगरि नयाँ अफर सार्वजनिक गरेको हो। प्याकको समयावधि ३ दिनको रहने र ग्राहकहरूले कुनै डेटा भोल्युम सीमाबिना ३ दिनसम्म कूल ५ घण्टाको लागि अनलिमिटेड डेटा सेवा लिन पाउने कम्पनीले जानकारी दिएको छ।
कम्पनीका अनुसार ग्राहकले एष्ट्रिक्स १७१२३ एष्ट्रिक्स ३ ह्यास डायल गरी यो प्याक लिन सक्नेछन्। एनसेल एप, एनसेलको वेबसाइट र एनसेलको आधिकारिक खुद्रा बिक्रेताबाट समेत यो प्याक किन्न सकिन्छ।
हालै मात्र कम्पनीले ग्राहकहरूले कर सहित.२५ रुपैयाँमा बिहान ५ बजेदेखि साँझ ५ बजेसम्म कुनै पनि नेटवर्कमा कुराकानी गर्न मिल्ने टक टाइमको अफर सार्वजनिक गरेको थियो।
साउन १४, २०८० आइतबार १९:००:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
