बार्सिलोनाको सहज जित, २९ पटक पोस्ट अट्याक गर्दा पनि सकेन रियलले गोल फर्काउन

चिरिपरिचित प्रतिद्वन्द्वी रियल मड्रिडविरुद्ध बार्सिलोनाले सहज जित निकालेको छ। 

प्रिसिजनअन्तर्गत गएराति भएको एल क्लासिकोमा बार्सिलोना ३-० गोलअन्तरले विजयी भएको हो। 

अमेरिकाको एटी एन्ड टी स्टेडियममा बार्सिलोनाका लागि ओसमान डेम्बेलेले खेलको १५ औं मिनेटमा पहिलो गरेका थिए।

पहिलो हाफमा १-० को अग्रता बनाएको बार्सिलोनाले थप दुई गोल खेलको उत्तरार्द्ध समयमा गरेको थियो। 

बार्सिलोनाका लागि ८५ औं मिनेटमा फेमिन लोपेज मार्टिनले दोस्रो गोल गरे भने फरान टोरेसले निर्धारित ९० मिनेटमा पछि थपिएको समयमा गोल गरे। 

अधिकांश समय बलमा पकड जमाए पनि रियलले एक गोल पनि फर्काउन सकेन। उसले बार्सिलोनाको पोस्टमा २९ पटक चार्ज गरेको थियो। 

क्लब मैत्रीपूर्ण भए पनि खेल केहीबेर तनावग्रस्त बनेको थियो। बार्सिलोनाका फ्रान्क डि जोङले रियलका इडर मिलिटाओलाई फउल गरेपछि दुवै पक्षका खेलाडीहरू घम्साघम्सीमा उत्रिएका थिए। खेलअवधिभर रेफ्रीले सात वटा पहेँलो कार्ड देखाएका थिए। 

साउन १४, २०८० आइतबार ०७:५२:३१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।