इटालीको पोस्टमा स्वीडेनको ५ गोल
एजेन्सी : फिफा महिला विश्वकप फुटबलमा स्वीडेनले इटालीलाई ५-० गोलको फराकिलो अन्तरले पराजित गरेको छ। यो जितसँगै समूह चरणको अन्तिम खेल अगावै स्वीडेनले अन्तिम १६ मा स्थान पक्का गरेको हो।
न्युजिल्यान्डमा शनिबार भएको खेलमा पहिलो हाफमा तीन गोल गरेको स्वीडेनले दोस्रो हाफमा दुई गोल थपेको थियो।
यसअघि स्पेन र जापान अन्तिम १६ मा पुगिसक्दा स्वीडेन जारी विश्वकपको नकआउट चरणमा पुग्ने तेस्रो टिम बनेको छ।
समूह ‘जी’ मा लगातार दोस्रो जितपछि स्वीडेनको ६ अंक भएको छ भने इटालीको ३ तथा अर्जेन्टिना र दक्षिण अफ्रिकाको समान १ अंक छ।
साउन १३, २०८० शनिबार १७:४४:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
