बुहारी खोज्दै सोनिया गान्धी, राहुलले भने, 'हुन्छ'
हरियाणाको सोनीपत पुगेका राहुल गान्धीको निमन्त्रणामा यहाँका महिलाहरू सोनिया गान्धीको घरमा डिनरका लागि पुगेका थिए।
दिवाभोजमा सोनियासँगै राहुल-प्रियंका पनि उपस्थित थिए। यस क्रममा तीनै जनाले हरियाणाका महिलासँग धेरै विषयमा कुरा गरेका थिए।
सोनिया गान्धीसँग राहुल गान्धीको विवाहलाई लिएर महिलाले प्रश्न उठाए। त्यसमा सोनिया गान्धीले 'केटी खोज्न' भनिन्। राहुलले पनि आफ्नो बिहेबारे भने 'हुन्छ'।
त्यसपछि महिलाहरूले प्रियंकालाई उनको बाल्यकालबारे पनि सोधेका थिए। महिलाहरूले आफूसँगै गाई र भैंसीको घ्यू ल्याएका थिए। जुन उनीहरूले सोनियालाई दिए।
राहुल शिमला जाने क्रममा सोनीपतमा रोकिएका थिए। जहाँ उनले गाउँलेसँग मिलेर खेतमा ट्याक्टर चलाएर धान रोपेका थिए। यस क्रममा राहुलले ग्रामीण महिलाहरूसँग भेटघाट गरेका थिए, जसमा राहुलले ती सबैलाई दिल्ली लैजाने र निम्तो दिने बाचा गरेका थिए। यो वाचा पूरा गर्दै हरियाणाका महिलाहरूको एउटा समूह सोनिया गान्धीको घर पुगेको हो।
भारतको पाँच वटा राज्यमा यसै वर्ष विधानसभाको चुनाव हुँदैछ भने सन् २०२४ मा लोकसभा चुनाव हुँदैछ। यस्तोमा भारतका विभिन्न दलका नेताहरूले मतदाता खुसी पार्न अनेक उपाय गरिरहेका छन्।
साउन १३, २०८० शनिबार १७:२०:११ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
