भारतीय वायु सेनाको विमान चढेर त्रिभुवन आर्मी क्लब फुटबल खेल्न भारत प्रस्थान
काठमाडौं : नेपाली सेनाको त्रिभुवन आर्मी फुटबल टिम दुरान्द कप फुटबल प्रतियोगितामा भाग लिग भारत प्रस्थान गरेको छ।
भारतको असम राज्यको गुवाहाटीमा आयोजना हुने प्रतियोगिताको लागि त्रिभुवन आर्मी क्लबको ४२ सदस्यीय टोली त्यसतर्फ गएको हो।
भारतीय वायु सेनाको विमानमार्फत शनिबार टिम त्यसतर्फ प्रस्थान गरेको सैनिक जनसम्पर्क तथा सूचना निर्देशनालयले जनाएको छ।
भारतीय सेनाले आयोजना गरेको उक्त प्रतियोगिता यही साउन १७ गतेसम्म चल्ने छ। फुटबलका पूर्वराष्ट्रिय खेलाडी एवं नेपाली सेनाका अवकाश प्राप्त प्रमुख सेनानी वसन्तराज गुरुङ नेतृत्वको टोलीमा भारत गएको हो।
प्रतियोगितामा त्रिभुवन आर्मी क्लबले भारतका दिल्ली एफसी, चेन्नाई एफसी र हैदरवाद एफसीजस्ता पहिलो बरियताका फुटबल टोलीसँग प्रतिस्पर्धा गर्नेछ।
साउन १३, २०८० शनिबार १३:२१:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
