चन्द्रागिरिमा भ्यान दुर्घटना, दुई जनाको मृत्यु
काठमाडौं : चन्द्रागिरि–४ को पानीघाटमाथि ओमनी भ्यान दुर्घटना हुँदा दुई जनाको मृत्यु भएको छ।
शुक्रबार चन्द्रागिरि ४ स्थित गणेशमान सिंह मार्ग सडकखण्डमा दुर्घटना हुँदा दुई जनाको ज्यान गएको हो।
उनीहरूको घटनास्थलमै मृत्यु भएको प्रहरी वृत्त थानकोट डीएसपी नारायण प्रसाद अधिकारीले जानकारी दिए।
डिएसपी अधिकारीका अनुसार बा १० च ३५४६ नम्बरको गाडी दुर्घटना हुँदा सिन्धुली घर भएका २० वर्षीय चालक नवराज थोकर तामाङ र काभ्रे सल्ले भुल्भुका ४५ वर्षीय अनिल तामाङको मृत्यु भएको हो।
दुर्घटनाको कारण खुलेको छैन। गाडी सडकबाट पाँच सय मिटर तल सडकमा खसेको छ।
साउन १२, २०८० शुक्रबार १६:४३:०८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
