एसियाली राष्ट्र भियतनामलाई हराउँदै विश्वकपमा पोर्चुगलको पहिलो जित
जारी फिफा महिला विश्वकपमा पोर्चुगलले पहिलो जित निकालेको छ।
हिजो भएको खेलमा पोर्चुगलले एसियाली राष्ट्र भियतनामलाई २-० गोलअन्तरले हराएको हो। समूह चरणको पहिलो खेलमा पोर्चुगल नेदरल्याण्डसँग १-० गोलअन्तरले पराजित भएको थियो।
हिजो भएको समूह चरणको दोस्रो खेलमा भने पोर्चुगललाई जित दिलाउन तेल्मा इन्कारनासियोले सातौँ र फ्रान्सिस्का नाजरेथले २१ औं मिनेटमा गोल गरे।
पहिलो हाफमै २-० ले पछि परेको भियतनामले गोल फर्काउन सकेन। भियतनामले यसअघि समूह चरणको पहिलो खेलमा संयुक्त राज्य अमेरिकासँग ३-० को हार बेहोरेको छ।
समूह 'ई' मा पोर्चुगल, भियतनाम, अमेरिका र नेदरल्याण्ड्स छन्।
साउन १२, २०८० शुक्रबार ०७:०६:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
