मेस्सीको शानदार २ गोल, युनाइटेडलाई हराउँदै इन्टर मियामी नकआउट चरणमा

लियोनल मेस्सीले ८ र २२ औं मिनेटमा २ गोल मद्दतमा इन्टर मियामीले एटलान्टा युनाइटेडमाथि ४-० को शानदार जित निकालेको छ।  

नेपाली समयअनुसार बुधबार बिहान सकिएको खेलको ४४ र ५३ औं मिनेटमा रोबर्ट टेलरले थप दुई गोल गरे। 

मेस्सी यसै सिजन अमेरिकी क्लब मियामी गएका हुन्। २ खेल खलेका मेस्सीले यसअघि पनि पहिलो खेलमा एक गोल गरेका थिए। बराबरीतर्फ धकेलिएको उक्त खेलमा मेस्सीले अतिरिक्त समयमा फ्रिकिकमार्फत आकर्कष गोल गरेका थिए। 

आजको जितसँगै मियामी नकआउट चरणमा पुगेको छ। मेस्सीले आजको खेलमा १ असिस्ट पनि गरे। जितसँगै मायमी समूह विजेताको रुपमा लिग्स कपको राउन्ड अफ ३२ मा प्रवेश गरेको हो।

मेस्सी सम्मिलित इन्टर मायमी दक्षिण ३ समूहमा रहेको छ। यो समूहमा मेक्सिकोको क्रुज अजुल र अमेरिकाको एटलान्टा युनाइटेड एफसी रहेका छन्।

साउन १०, २०८० बुधबार ०७:४१:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।