ब्राजिलको ४-० को जितमा बोर्गेसको ह्याट्रिक
१ वर्ष अघि
एजेन्सी : एरी बोर्गेसले ह्याट्रिक गरेपछि महिला विश्वकप फुटबलमा ब्राजिलले आकर्षक जित हात पारेको छ। विश्वकपको समूह चरणको खेलमा ब्राजिलले पानामालाई ४–० गोल अन्तरले हरायो।
अष्ट्रेलियामा गएराति भएको खेलमा पहिलोपटक विश्वकप खेलिरहेको पानामा विरुद्ध मिडफिल्डर एल्भेस् बोर्गेस एक्लैले ३ गोल गरिन् भने उनकै असिस्टमा जानेराटोले अर्को एक गोल हानेकी थिइन्।
पहिलो हाफमा २ गोल गरेकी बोर्गेसले ७० औं मिनेटमा ह्याट्रिक पुरा गरेकी थिइन्। यो फराकिलो जितसँगै ब्राजिल समूहमा ३ अंक जोडेर शीर्षस्थानमा छ।
साउन ९, २०८० मंगलबार ०७:४५:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
