मिसेस् नेवा: प्रतियोगिताको घोषणा

काठमाडौँ : काराओके ईन्टरटेन्मेन्टले मिसेस् नेवा: को आयोजना गर्ने भएको छ।  नेवार समुदायका विवाहित महिलाको प्रतिभा सार्वजनिक मञ्चमा ल्याउन कार्यक्रम सार्वजनिक गरिएको हो।

आयोजकले धर्म , संस्कृति र संस्कार  संरक्षण साथसाथै व्यक्तित्व बढाउन कार्यक्रमको आयोजना गर्न लागेको जानकारी दिएका थिए।

मिसेस् नेवा: ११४३ प्रतिस्पर्धाको घोषणा कार्यक्रममा सल्लाहकार उमा देवी रन्जितकार , मिस नेवा: वर्ल्ड रनर अप स्नेहा खड्गी , पूर्व कुमारी मिस नेशनल समिता बज्राचार्य र आयोजक संस्थाका प्रमुख खगेश रञ्जित सहभागी थिए।

कार्यक्रममा प्रतियोगिताको मिति भने घोषणा गरिएन। प्रतियोगितालाई लक्षित गरेर साउन १५ बाट एक महिने प्रशिक्षण चलाइने आयोजकले सार्वजनिक गरेका छन्।

प्रतियोगिताको आफिसियल कोरियोग्राफि मिस् नेशनल समिता बज्राचार्यले गर्दै छिन्। 

साउन ८, २०८० सोमबार २०:५८:१५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।