यु १६ साफ च्याम्पियनसिप खेल तालिका सार्वजनिक, नेपाल र भारत एकै समूहमा
काठमाडौँ : दक्षिण एसियाली फुटबल महासंघ (साफ) ले भुटानमा आयोजना हुने यु-१६ पुरुष साफ च्याम्पियनसिप फुटबल प्रतियोगिताको खेल तालिका आज सार्वजनिक गरेको छ।
आगामी सेप्टेम्बर १ देखि १० तारिखसम्म आयोजना हुने प्रतियोगितामा नेपालले पहिलो खेल बंगलादेशसँग खेल्नेछ। यस खेल सेप्टेम्बर ३ तारिखमा हुनेछ। प्रतियोगितामा विभिन्न ६ राष्ट्रको सहभागिता रहनेछ। जसलाई दुई समूहमा विभाजन गरिएको छ।
समूह ‘ए’ मा नेपालसँगै बंगलादेश र भारत रहेका छन् भने समूह ‘बी’ मा आयोजक भुटानसँगै माल्दिभ्स र पाकिस्तान छन्।
प्रतियोगिताको उद्घाटन खेलमा भारत र बंगलादेश भिड्नेछन्। सबै खेल भुटानको चाङ्लिमिथाङ रंगशालामा हुनेछन्।
अहिलेसम्म उपाधि जित्न नसकेको नेपालले सन् २०१३, २०१७, २०१९ र २०२२ मा फाइनलसम्म पुगेको थियो।
साउन ८, २०८० सोमबार १६:१९:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
