इमर्जिङ एसिया कपको उपाधिका लागि भारत ए र पाकिस्तान ए भिड्दै
नेपाल पनि सहभागी भएको इमर्जिङ एसिया कप २०२३ को फाइनल खेल आज हुँदै छ।
आज भारत 'ए' र पाकिस्तान 'ए' बीच नेपाली समयअनुसार सवा २ बजे श्रीलंकाको प्रेमदासा स्टेडियममा हुँदैछ।
टस दिउँसो १ः३० बजे हुनेछ। प्रतियोगितामा भारत एक मात्र अपराजित टोली हो भने पाकिस्तानले समूह चरणमा भारतसँगै हार बेहोरेको थियो।
पाकिस्तान घरेलु टोली सेमिफाइनलमा श्रीलंकालाई ६० रनले पराजित गर्दै फाइनलमा पुगेको हो। भारतले भने बंगलादेशलाई ५१ रनले हराएर फाइनल पुगेको हो।
नेपालले भने भारत पाकिस्तानसँग फराकिलो हार बेहोरेको थियो। नेपालले यूएईमाथि भने ३ विकेटको सान्त्वना जित हासिल गरेको थियो। प्रतियोगितामा ८ राष्ट्रका टोली सहभागी थिए। जहाँ नेपालले मात्र राष्ट्रिय टिम पठाएको थियो।
साउन ७, २०८० आइतबार ०८:२९:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
