बलिङमा ६ विकेट लिएका भुर्तेलको ब्याटिङमा अर्धशतक
काठमाडौं : श्रीलंकामा जारी एसीसी इमर्जिङ टिम्स एसिया कपमा युएईविरुद्ध कुशल भुर्तेलले अर्धशतक बनाएका छन्।
नेपाललाई शानदार शुरुवात दिलाउने क्रममा आक्रमक ब्याटिङ गरेका भुर्तेलले ३३ बलमा ८ चौका र २ छक्का प्रहार गर्दै अर्धशतक बनाए।
उनको साथमा देव खनाल खेलिरहेका छन्। ओपनर अर्जुन साउद भने पहिलो बलमै एलबीडब्लू आउट भएका थिए।
त्यसअघि टस जितेर पहिला ब्याटिङ रोजेको युएई ४४ ओभरमा १ सय ५७ रनमा अल आउट भएको थियो।
युएईका ओपनर लवप्रीत सिंहले ८२ बलमा ६ चौका र १ छक्कासहित सर्वाधिक ५२ रनको योगदान दिए।
अन्य कुनै पनि ब्याटरले राम्रो प्रदर्शन गर्न सकेनन्। युएई ए लाई सस्तैमा समेट्न नेपालका कुशल भुर्तेलले १० ओभरमा ४० रन खर्चेर सर्वाधिक ६ विकेट लिएका थिए।
साउन ३, २०८० बुधबार १४:५१:०४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
