भारत 'ए' विरुद्ध पाकिस्तान 'ए'ले जित्यो टस, पहिला ब्याटिङ गर्ने निर्णय

एसिया इमर्जिङ कपअन्तर्गत भारत 'ए' विरुद्ध पाकिस्तान 'ए' ले टस जितेर ब्याटिङ गर्ने निर्णय गरेको छ। 

कोलम्बोको प्रेमदासा स्टेडियममा दिउँसो २ बजेबाट सुरु भएको छ।

अहिलेसम्म भारत र पाकिस्तान दुवै टोली अपराजित छन्। अंक तालिकामा भारत पहिलो र पाकिस्तान दोस्रो स्थानमा छ। दुवैले समूहको अन्तिम खेल खेल्दै छन्। 

यश धुलको कप्तानीमा रहेको भारतले यूएईलाई ८ विकेटले पराजित गरेको थियो। त्यस्तै नेपाललाई एकतर्फी खेलमा ९ विकेटले पराजित गरेको थियो। भारत सेमिफाइनलमा प्रवेश गरिसकेको छ। 

भारतले जस्तै पाकिस्तानले पनि पहिलो दुई खेल जितेको छ। पाकिस्तान अंक तालिकामा भारतभन्दा पछाडि दोस्रो स्थानमा छ। पहिलो खेलमा पाकिस्तानले यूएईलाई १८४ रनले हराएको थियो। त्यस्तै नेपाललाई ४ विकेटले पराजित गरेको थियो।

यता आजै नेपालले पनि यूएईविरुद्ध १५८ रनको लक्ष्य पछ्याइरहेको छ। 

साउन ३, २०८० बुधबार १४:१४:२१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।