राष्ट्रिय महिला फुटबल टिमको आधिकारिक प्रायोजक युनिलिभर

काठमाडौँ : युनिलिभर नेपाल नेपालको राष्ट्रिय महिला फुटबल टिमको आधिकारिक प्रायोजक भएको छ।  उसले मङ्गलवार अखिल नेपाल फुटबल सङ्घ (एन्फा) सँग साझेदारी गरेको हो।

महिला सशक्तीकरण र लैङ्गिक समानतालाई प्रोत्साहन गर्न नेपालभरि महिला फुटबलको विकासमा सघाउने कम्पनीले जानकारी दिएको छ।

कम्पनीले सबै पक्षमा महिला फुटबल टोलीलाई सहयोग र प्रवर्द्धन गर्न नजिकबाट काम गर्ने जनाएको छ। महिला खेलाडीहरूको विकास र सफलतामा योगदान पुर्याउने एवम् आगामी पुस्ताका महिला खेलाडीलाई प्रोत्साहित गर्दै भविष्यमा अन्तर्राष्ट्रिय मञ्चमा नेपाललाई अग्र स्थानमा पुर्याउने लक्ष्य लिएको उसले युनिलिभरको प्रेस विज्ञप्तिमा उल्लेख छ।

यस कम्पनीले लाइफब्वाय डभले,स्वच्छता, स्वास्थ्य, आत्म–सम्मानको प्रवर्धन गर्दै, समाजद्वारा निर्धारित सौन्दर्य मापदण्डमा अग्रपङ्क्तिमा रहेको बताएको छ। समुदायहरूलाई सशक्त बनाउन र महिला खेलाडीहरूको लागि दिगो परिवर्तन सृजना गर्न सधैँ प्रयास जारी राख्ने कम्पनीको प्रतिवद्धता रहेको छ।

साउन २, २०८० मंगलबार १९:५४:०४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।