तेस्रो विकेट पतन, तीन चौका लगाएर देव खनाल आउट
काठमाडौं : नेपालले एसिसी इमर्जिङ कपमा भारत ए विरुद्ध नेपालले तेस्रो विकेट गुमाएको छ।
श्रीलंकाको आर प्रेमदासा रंगशालामा टस जितेर ब्याटिङ रोजेको नेपालले तेस्रो विकेटका रुपमा देव खनाललाई गुमाएको हो।
२१ बलमा तीन चौकासहित उनले १५ रनमात्रै जोड्न सके। उनी पनि राजवर्धन हंगरगेकरको बलमा थर्डम्यान एरियामा क्याचआउट भए।
खनालले प्रतियोगिताको पहिलो खेल खेल्दैछन्। उनी यसअघि यु–१९ टोलीको कप्तान थिए। पहिलो खेलमा उनलाई बेन्चमा राखिएको थियो।
अहिले क्रिजमा कप्तान रोहित पौडेल र भीम सार्कीले खेलिरहेका छन्।
यसअघि आशिफ शेखलाई पनि हंगरगेकरले नै आउट गरेका थिए। त्यसअघि कुशल भुर्तेल इनिङ्सको दोस्रो बलमै हर्सित रानाबाट एलबीडब्लु आउट भएका थिए।
साउन १, २०८० सोमबार १५:०५:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
