मायमीमा बेक्यामले गरे मेस्सीको स्वागत, मेस्सीलाई हेर्न २० हजार समर्थकको ओइरो
एजेन्सी : विश्व स्टार फुटबल खेलाडी लियोनल मेस्सीलाई अमेरिकन क्लब इन्टर मायमीले भव्य स्वागत गरेको छ।
सर्वाधिक सात पटकका ‘बालन डि ओर’ विजेता मेस्सीलाई स्वगत गर्न मायमीको डीआरभी पीएनके रंगशालामा २० हजार समर्थक उपस्थित थिए।
अर्जेन्टिनाका कप्तान मेस्सी फ्रेन्च क्लब पीएसजी छाडेर यसै सिजनदेखि मायमीमा अनुबन्धित भएका हुन्। बार्सिलोनामा करिब २१ वर्ष विताएपछि उनी दुई वर्ष अघि पीएसजी गएका थिए।
मायमी पूर्व विश्व स्टार फुटबलर डेभिड बेक्यामको क्लब हो।
‘यो स्वागतका लागि सबैलाई धन्यवाद दिन चाहन्छु। मलाई घर आएको अनुभव भइरहेको छ। म यहाँ खेल्न, जित्न र यो टिमलाई अझ अघि बढाउन चाहान्छु,’ स्वागत समारोहमा मेस्सीले भने।
मेस्सीकै कप्तानीमा गत वर्ष अर्जेन्टिनाले विश्व कप जितेको थियो।
साउन १, २०८० सोमबार १३:२२:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
