नेपाल आज दोस्रो मैत्रीपूर्ण खेलमा बंगलादेशसँग भिड्दै
काठमाडौं : नेपाली महिला राष्ट्रिय टिमले आज (आइतबार) बंगलादेशसँग दोस्रो अन्तर्राष्ट्रिय मैत्रीपूर्ण फुटबल खेल खेल्दैछ। ढाकामा हुने खेल नेपाली समय अनुसार साँझ ५ः१५ बजे सुरु हुनेछ।
नेपाल र बंगलादेशबीचको बिहीबार भएको पहिलो मैत्रीपूर्ण खेल १–१ को बराबरीमा सकिएको थियो।
उक्त खेलमा बंगलादेशकी कप्तान सविना खातुनले पहिलो हाफमा गोल गर्दै अग्रता दिलाएकोमा नेपालकी सावित्रा भण्डारीले इन्जुरी समयमा गोल गर्दै हार टारेकी थिइन्।
गत वर्ष भदौमा काठमाडौंमा सम्पन्न साफ च्याम्पियनसिपको फाइनलमा नेपाललाई ३–१ ले बंगलादेशले उपाधि जितेको थियो।
असार ३१, २०८० आइतबार १३:०७:३५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
