चन्द्रयान-३ प्रक्षेपणपछि राखी सावन्तको प्रतिक्रिया– ‘मेरो कारण चन्द्रयान लन्च भयो’
एजेन्सी : बलिउडकी ड्रामा क्वीन राखी सावन्त अक्सर आफ्नो स्टाइल र बेतुकका अभिव्यक्तिका कारण चर्चामा रहने गर्छिन्। राखीले प्रायः हरेक विषयमा आफ्नो धारणा राख्छिन्।
धेरै पटक बेतुकका अभिव्यक्तिका कारण उनी ट्रोलसमेत भइरहेकी छन्। यसका बाबजुद राखी आफ्ना फ्यानहरूलाई मनोरञ्जन दिन कहिल्यै पछि पर्दैनन्। उनी बाेलिनै रहन्छिन्।
शुक्रबार दिउँसो २:३५ बजे भारतले ‘चन्द्रयान ३’ मिसन प्रक्षेपण गर्यो। यस विषयमा समेत राखीले आफ्ना धारणा सञ्चारकर्मीसँग राखेकी छन्।
सञ्चारकर्मीसँगको अन्तर्वार्तामा उनले ‘चन्द्रयान ३’ मिशनको लागि बधाई दिँदै त्यसको श्रेय आफैँलाई दिएकी छन्।
सेतो रंगको साडीमा सजिएकी सावन्तले भिडियोमा भनेकी छन्, ‘सबैलाई बधाई छ, चन्द्रयान ३ लञ्च भएको छ, त्यो पनि मेरो कारणले। मैले आज सेतो पहिरन लगाएकी थिएँ, त्यसैले चन्द्रयान लन्च भयो।’
यससँगै राखी सावन्तले भिडियोमा चन्द्रयान कसरी लन्च भयो भनेर देखाउन सलाइ कोरेर देखाएकी थिइन्। राखीको यो भिडियो सार्वजनिक भएपछि सामाजिक सञ्जालमा उनी ट्रोल भइरहेकी छन्।
भिडियो:-
असार ३०, २०८० शनिबार १५:२९:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
