सप्तकोशीमा खसेको ट्रक निकालियो
काठमाडौं : सप्तकोशी नदीमा शुक्रबार खसेको मालवाहक ट्रक निकालिएको छ।
शुक्रबार बससँग ठोक्किएर कोशीमा खसेको मे १ ख ३००७ नम्बरको मालवाहक ट्रक शनिबार निकालिएको हो।
क्रेनको सहयोगमा नदीबाट ट्रक निकालिएको हो। ट्रक निकाल्ने क्रममा केही बेर ब्यारेज पुलमा आवागमन रोकिएको थियो।
सप्तरी र सुनसरीको सीमा छुट्याउने कोशी ब्यारेजको पुलको १० नम्बर ढोकाअगाडि ट्रक सप्तकोशी नदीमा खसेको थियो।
ट्रकमा सवार तीनजना लाई सकुशल उद्धार गरिएको थियो।
असार ३०, २०८० शनिबार १५:०२:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।