पाकिस्तानविरुद्ध ब्याटर नचलेको खेलमा सोमपालको सानदार ब्याटिङ, बनाए अर्धशतक

काठमाडौं : प्रमुख ब्याटर टिक्न नसेकेको पाकिस्तानी फास्ट बलिङको अगाडि नेपाली बलर सोमपाल कामीले अर्धशतक प्रहार गरेका छन्। 

एसीसी इमर्जिङ टिम्स एसिया कपमा पाकिस्तान ए विरुद्ध नवौं नम्बरमा ब्याटिङ गर्न आएका सोमपालले ७७ बलमा अर्धशतक बनाए। 

कुनै बेला ७२ रनमा ८ विकेट गुमाइसकेको नेपालको इनिङ उनकै कारण १५० रन पार गर्न सफल भयो।

‘टप अर्डर’ नचल्दा​​​​​​​ फास्ट बलिङले नेपाली इनिङलाई ध्वस्त पारेको थियो। धन्न सोमपाल र प्रतिशले सम्हाले।

७२ रनमा ८ विकेट गुमाइसकेको नेपालको इनिङलाई केही माथि उकास्न सोमपाल कामी र प्रतिश जीशीले नवौं विकेटका लागि ४८ रनको साझेदारी गरेका थिए। 

प्रतिशले २४ बलमा एक चौका र दुई छक्को सहयोगमा २६ रन जोड्दा सोमपालले अर्धशतक प्रहार गरे। शीर्षक्रम चलेको भए नेपालको स्कोर सम्मानजनक अवस्थामा पुग्न सक्थ्यो।

असार २९, २०८० शुक्रबार १२:४९:२४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।