फिल्म ‘एक भगवत् गीता’को टिजरमा विपिनको लुक्सको चर्चा

काठमाडौं : झरना थापा निर्देशित फिल्म ‘एक भगवत् गीता’ को टिजर सार्वजनिक भएको छ।

शुक्रबार निर्माण टिमले युट्युबबाट सार्वजनिक गरेको फिल्मको १ मिनेट ३२ सेकेण्डको टिजरमा अभिनेता विपिन कार्कीको फरक लुक्स र भूमिका राखिएको छ। उनी तेस्रोलिङगीको भुमिकामा देखिए। डायलग मेैथिलीमा बोलेका छन्। 

फिल्ममा विपिन, सुहाना र धिरजका अलवा कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर लगायतको अभिनय रहेको छ।

सुनील कुमार थापाले निर्माण गरेको फिल्मको कथा तथा निर्देशन झरना थापाकै रहेको छ। फिल्मको पटकथामा झरनालाई सरिन पोखरेल, परिक्षेद सेन, पुरुषोत्तम ढंगेलले सहयोग गरेका छन्। फिल्मको निर्माता अभिनेत्री सुहाना आफैं रहेकी छन्। 

फिल्ममा राजेश श्रेष्ठको छायाङ्कन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी  रहेको छ। फिल्म भदौ २९ गतेदेखि प्रदर्शन हुँदैछ।

असार २९, २०८० शुक्रबार १२:१६:५६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।