पाकिस्तानविरुद्ध टस जितेर ब्याटिङ गर्दै नेपाल, एक विकेट गुम्यो
श्रीलंकामा जारी एसीसी मेन्स इमर्जिङ टिम्स एसिया कप प्रतियोगितामा नेपालले पाकिस्तान 'ए' विरुद्ध पहिले ब्याटिङ गरिरहेको छ।
कोलम्बो क्रिकेट क्लबको मैदानमा नेपालका कप्तान रोहित कुमार पौडेलले टस जितेर ब्याटिङ रोजेका हुन्। नेपालले ब्याटिङ रोजे पछि पाकिस्तानको 'ए' ले पहिला बलिङ गर्दैछ।
पाकिस्तानको 'ए' टोली राष्ट्रिय टोलीबाट खेलिसकेका मोहम्मद हरिसको कप्तानीमा छ। टोलीमा राष्ट्रिय टोलीबाट खेलिसकेका मोहम्मद वासिम जुनियर तथा शाहनवाज दाहानीसमेत रहेका छन्।
गत मेमा नेपालमा भएको एसीसी प्रिमियर कपको विजेता बन्दै नेपाल इमर्जिङ कपका लागि छानिएको हो। टेस्ट राष्ट्र पाकिस्तान स्वतः छनोट भएको हो।
यसैबीच नेपालले एक विकेट गुमाएको छ भने १४ रन बनाएको छ।
असार २९, २०८० शुक्रबार १०:३२:३४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
