आज बंगलादेशसँग खेल्दै नेपाली महिला फुटबल टिम
काठमाडौं : नेपाली राष्ट्रिय महिला फुटबल टोलीले घरेलु टोली बंगलादेशसँग आज (बिहीबार) पहिलो मैत्रीपूर्ण खेल खेल्दैछ। खेल ढाकाको कमलपुरस्थित स्टेडियममा साँझ पौने ६ बजे हुनेछ।
नेपाली टोली गोलरक्षक एञ्जिला तुम्बाप्पो सुब्बाको कप्तानीमा मैदानमा उत्रनेछ। बंगलादेश भने मुख्य फरवार्ड सविना खातुनको कप्तानीमा खेल्नेछ।
खेलअघिको पत्रकार सम्मेलनमा नेपाली टोलीका मुख्य प्रशिक्षक अनन्त थापाले खेल प्रतिस्पर्धात्मक हुने बताएका छन्।
नेपाली टोलीको मुख्य खेलाडी सावित्रा भण्डारी ‘साम्बा’को पुनरागमनले टोली उच्च मनोबलमा रहेको प्रशिक्षक थापाले बताए।
गत भदौमा घरेलु मैदानमा भएको साफमा अस्वस्थताका कारण साम्बाले पुरै समय मैदानमा बिताउन पाएकी थिइनन्।
यस्तै चोटपछि नेपाली टोलीकी अर्की महत्वपूर्ण खेलाडी गीता राना र मिडफिल्डर प्रिती राईले पनि टोलीमा पुनरागमन गरेका छन्।
नेपाल र बंगलादेश गत भदौमा भएको साफ च्याम्पियनपछि पहिलो पटक भिड्न लागेका हुन्। साफको फाइनलमा नेपाली टोली बंगलादेशसँग ३-१ ले पराजित भएको थियो।
कप्तान एञ्जिला तुम्बापो सुब्बाले पहिला जे भयो अब त्यसलाई बिर्सेर अगाडि बढ्ने बताएकी छन्।
असार २८, २०८० बिहीबार १३:१३:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
