सीता दाहालको निधनपछि माओवादी केन्द्रीय पदाधिकारी बैठक बस्दै
काठमाडौँः नेकपा (माओवादी केन्द्र)को केन्द्रीय पदाधिकारी बैठक बस्दै छ।
प्रधानमन्त्री पुष्पकमल दाहाल ‘प्रचण्ड’का पत्नी एवं नेकपा (माओवादी केन्द्र)की सल्लाहकार सीता दाहालको निधन भएपछि बैठक बस्न लागेको हो।
बैठक पार्टी कार्यालय पेरिसडाँडामा बस्ने र नेताहरू आउने क्रम सुरु भएको केन्द्रीय कार्यालयका मुख्यसचिव श्रीराम ढकालले जानकारी दिए।
माओवादी केन्द्रका अध्यक्ष दाहाल पत्नी एवं माओवादी केन्द्रका सल्लाहकार सीताको आज बिहान ८ः३३ बजे नर्भिक अस्पतालमा निधन भएको थियो।
सीता दाहालले मुलुकमा गणतन्त्र ल्याउन भएको जनयुद्धको समयमा पति प्रचण्डको नेतृत्वलाई सफलतामा पुर्याउन आफ्नो जीवन बाजी लगाएर सहयोग पुर्याएकी थिइन्।
पार्टी कामका लागि पञ्चायतीकालमा लामो समय भूमिगत जीवन बिताएकी दाहालले देशमा जनयुद्ध सुरुवात भएपछि २०५२ सालदेखि भूमिगत राजनीतिमा सक्रिय रूपमा सहभागी भएकी थिइन्।
पार्टी सल्लाहकार दाहालको पार्थिव शरीर श्रद्धाञ्जलिका लागि आज बिहान ११ बजेदेखि १ बजेसम्म पार्टी केन्द्रीय कार्यालय पेरिसडाँडामा राखिने र दिउँसो २ बजे पशुपति आर्यघाटमा अन्त्येष्टि गर्ने कार्यक्रम रहेको माओवादी केन्द्रले जनाएको छ।
असार २७, २०८० बुधबार ११:४१:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
