मैत्रीपूर्ण खेलका लागि नेपाली महिला फुटबल टोली बंगलादेश प्रस्थान
१ वर्ष अघि
काठमाडौं : बंगलादेशसँगको दुई मैत्रीपूर्ण खेलका लागि नेपाली राष्ट्रिय महिला फुटबल टोली मंगलबार त्यसतर्फ प्रस्थान गरेको छ।
मैत्रीपूर्ण खेलका लागि ३१ सदस्यीय नेपाली टोली आज बंगलादेशतर्फ लागेको हो। बंगलादेशको ढाकामा पहिलो खेल बिहीबार र दोस्रो खेल आइतबार हुनेछ।
नेपालले बंगलादेशसँगको यस मैत्रीपूर्ण खेललाई एशियाली खेलकुदको तयारीका रुपमा समेत लिएको छ।
गत भदौमा घरेलु मैदानमा भएको साफ च्याम्पियनसिपको फाइनलमा नेपाल बंगलादेशसँग ३–१ ले पराजित भएको थियो।
असार २६, २०८० मंगलबार १२:५६:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
