मैले एसईई नै दिएको छैन, त्यो रिजल्ट फेक हो : गुल्सन झा
काठमाडौं : नेपाली राष्ट्रिय क्रिकेट टोलीका अलराउन्डर गुल्सन झाले आफूले एसईई निदएके बताएका छन्।
सामाजिक सञ्जालमा ३.६५ जीपीए प्राप्त गरेर एसईई उत्तीर्ण गरेको भन्दै गुल्सनलाई बधाई आइरहेको बेला उनले आफूले एसईई नै नदिएको बताएका हुन्।
शुक्रबार त्रिभुवन विमानस्थलमा झरेका गुल्सनले सञ्चारकर्मीसँग भने, ‘मैले एसईई दिएकै छैन। खै कसरी आयो, थाहा भएन। सामाजिक सञ्जालमा आएको पोस्ट फेक हो।’
विश्वकप छनोटका लागि जिम्बावे गएको टोली शुक्रबार स्वदेश फर्किएको हो। विश्वकप छनोटमा सहभागी १० टोलीमध्ये नेपाल आठौं भएर स्वदेश फर्किएको छ।
जिम्बावेमा टेस्ट राष्ट्रहरूसँगको खेलबाट आफूहरूले धेरै कुरा सिकेको र त्यसलाई आगामी खेलमा प्रयोग गर्ने झाले बताए।
असार २२, २०८० शुक्रबार १७:२८:४६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
