एकल महिलाले ‘बगान’ फिल्म सित्तैमा हेर्न पाउने

काठमाडौं : सरोज खनाल निर्देशित फिल्म ‘बगान’ एकल महिलाले निःशुल्क हेर्न पाउने भएका छन्।

बुधबार नयाँ बानेश्वरमा आयोजित ट्रेलर रिलिज कार्यक्रममा निर्देशक खनालले फिल्मको कथावस्तु पनि एकल महिलामै आधारित रहेको उनीहरूलाई सम्मान स्वरूप निःशुल्क देखाउन लागेको जानकारी दिए।

ट्रेलर समारोहमा फिल्मका तर्फबाट उपसभामुख इन्दिरा राना, माइती नेपालकी अध्यक्ष अनुराधा कोइराला, कोशी प्रदेश सांसद मीना श्रेष्ठ, सञ्चारकर्मी बबिता बस्नेत, अभिनेत्री करिश्मा मानन्धरकी आमा कोमलकुमारी केसी र अभिनेत्री पूजा शर्माकी आमा दुर्गा सापकोटालाई सम्मान गरिएको छ।

असार २९ गते रिलिज हुने फिल्ममा करिश्मा मानन्धर,सरोज खनाल, प्रमिला कार्की,नीर शाह लगायतका कलाकारको अभिनय छ।

सरोज खनालले नै लेखेको फिल्ममा सुरेश वाग्ले निर्माता रहेका छन्।

असार २०, २०८० बुधबार १७:४७:५३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।