सुटिङका क्रममा अमेरिकामा घाइते भएका शाहरुख खान घर फर्किए

बलिउड सुपरस्टार शाहरुख खान अमेरिकामा दुर्घटनामा परेका छन्।

उनी फिल्मको सेटमा एउटा दृश्य गर्दै थिए, त्यही क्रममा शाहरुखको नाकमा चोट लागेको छ। शाहरुखलाई तत्कालै नजिकैको अस्पताल लगिएको थियो, जहाँ उनको सानो शल्यक्रिया पनि गरिएको थियो। शाहरुखको स्वास्थ्य अहिले ठीक रहेको बताइएको छ र उनी मुम्बई फर्किएका छन्।

उनको रक्तश्राव रोक्न डाक्टरहरूले शल्यक्रिया गर्नुपरेको थियो। ‘टाइम्स अफ इन्डिया’को रिपोर्ट अनुसार शाहरुख एउटा प्रोजेक्टको सुटिङका ​​लागि लस एन्जलसमा रहँदा यो दुर्घटना भएको हो।

चिकित्सकले पनि उनको टोलीलाई चिन्ताको विषय नभएको र यो सामान्य चोट रहेको बताएका छन्। 

शाहरुख अहिले भारत फर्किएका छन् र आफ्नो घर 'मन्नत'मा आराम गरिरहेका छन्। केही महिनादेखि फिल्मको सुटिङका ​​लागि बाहिरिने क्रममा रहेका खान एकैसाथ धेरै फिल्ममा काम गरिरहेका छन्।

असार २०, २०८० बुधबार ०९:४१:५६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।