आयरल्यान्डकाे आधा टाेली पेभेलियन फर्कियो
काठमाडौं : आईसीसी विश्वकप छनोट अन्तर्गत सातौं स्थानका लागि भएको खेलमा आयरल्यान्डको आधा टोली पेभेलियन फर्किएको छ।
२६९ रनको लक्ष्य पछ्याएको आयरल्यान्डको पाचौं विकेटको रुपमा सन्दीप लामिछानेले हेरी टेक्टरलाई पेभेलियन फर्काए। उनले अर्धशतकीय पारी खेल्दै ६० रन बनाएका थिए।
त्यसअघि करण केसीले लोरकान टकरलाई २४ रनमा एलबीडब्लु आउट गर्दै चौथो विकेट लिएका थिए। यस्तै तेस्रो विकेटको रुपमा पल स्ट्रगलिङ्गलाई गुल्सन झाले बोल्डआउट गरे।
त्यसैगरी दोस्रो विकेटको रुपमा कप्तान एन्ड्रु बलब्रिनीलाई किशोर महतोले दीपेन्द्रसिंह ऐरीमार्फत क्याचआउट गराउँदा करण केसीले एन्डी म्याकब्रेनलाई कुशल भुर्तेलबाट क्याच गराए।
२९औं ओभरको समाप्तीमा आयरल्यान्ड ५ विकेट गुमाएर १४४ रन बनाएर खेलिरहेको छ।
असार १९, २०८० मंगलबार १९:१३:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
