आयरल्याण्डविरुद्ध टस हारेर नेपाल ब्याटिङ गर्दै

काठमाडौं : नेपालले एकदिवसीय विश्वकप छनोटको सातौं स्थानको प्लेअफ खेलमा आयरल्याण्डविरुद्ध टस हारेर पहिले ब्याटिङ गर्दैछ।

जिम्बावेमा जारी प्रतियोगिताको खेलमा टेस्ट टिम आयरल्यान्डका कप्तानले टस जितेर पहिला फिल्डिङ गर्ने निर्णय गरे।

नेपाल विश्वकप छनोटको होडबाट भने बाहिरिसकेको छ। लिग चरणमा मात्र एक खेल जितेको नेपाल सुपर सिक्समा पुग्न सकेको थिएन।

यसपछि सातौं स्थानको प्लेअफका लागि भएको पहिलो खेलमा नेपालले यूएईलाई ३ विकेटले हराएको थियो।

आज आयरल्यान्डलाई हराउँदै नेपाल इतिहास बनाउन चाहन्छ। नपालले हालसम्म कुनापनि फर्म्याटमा टेस्ट टिमलाई हराएको छैन। आयरल्यान्ड नेपालले एकदिवसीय खेल खेल्न लागेको पनि यो पहिलो पटक हो।

उता आयरल्यान्डले पनि समूह चरणमा एक खेल मात्र जितेर प्रतियोगिताबाट बाहिरिएको थियो।

असार १९, २०८० मंगलबार १२:५५:३३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।