बंगलादेशलाई हराउँदै नवप्रवेशी राष्ट्र कुवेत साफ च्याम्पियनको फाइनलमा
आमन्त्रित राष्ट्र कुवेत साफ च्याम्पियनसिप २०२३ को फाइनल प्रवेश गरेको छ।
आज भएको सेमिफाइनलमा बंगलादेशलाई १-० गोलअन्तरले हराउँदै कुवेत सहभागी भएको पहिलो पटक नै उपाधि होड नजिक पुगेको हो।
कुवेतलाई जित दिलाउन अब्दुल्लाह अमर मोहम्मद अब्दुल्लाह बोलुसीले १०५ औं मिनेटमा गोल गरे।
बेंग्लोरको श्रीकान्तिरवा स्टेडियममा कुवेतले खेल अवधिभर नियन्त्रण बलियो बनाएको थियो। सन् २००३ मा आफैंले आयोजना गरेको साफ च्याम्पियन्ससिपको विजेता राष्ट्र बंगलादेशले जारी प्रतियोगितामा ४ खेल खेल्यो।
समूह चरणमा लेबनानसँग पराजित भएको उसले दोस्रो खेलमा माल्दिभ्स र तेस्रो खेलमा भुटानलाई हराउँदै सेमिफाइनल प्रवेश गरेको थियो।
असार १६, २०८० शनिबार २०:३०:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
