तोसिमाको प्रश्नमा अर्थमन्त्रीको जवाफ- बोल्न सजिलो छ, गर्न परेपछि थाहा हुन्छ माननीयज्यू

काठमाडौं : अर्थमन्त्री डा. प्रकाशशरण महतले बोलेको जस्तो काम गर्न सजिलो नभएको बताएका छन्।

बजेटमाथिको सैद्धान्तिक छलफलमा डा. तोसिमा कार्कीले उठाएको प्रश्नको जवाफ दिँदै मन्त्री महतले बोलेको जस्तो काम गर्न सजिलो नभएको बताएका हुन्।

‘यस्ता कुरा बोल्न सजिलो छ, गर्न परेपछि थाहा हुन्छ माननीयज्यू। बजेट बनाउँदा इमान्दारितामा कहिँ कम्प्रमाइज गरेको छैन,’ उनले भने, ‘त्यसकारण नैतिकता छैन, इमान्दारिता छैन भन्ने दृष्टिकोणसँग म पूरै असहमत छु।’

मन्त्री महतले यथष्ठ छलफलपछि मात्र बजेट पारित गर्नुपर्छ र राम्रा विषयलाई समेट्नुपर्छ भन्ने विषयमा आफू सहमत भएकोसमेत बताए।

उनले थपे, ‘छलफल यथष्ठ हुनुपर्छ, त्यसको आधारमा बनाउनुपर्छ भन्ने कुरामा सहमत छु। आउने दिनमा गर्ने भनेर ीले योजना बनाएका छौँ। त्यहिअनुसार गर्छौँ।’

असार १३, २०८० बुधबार १८:४३:१० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए ukeraanews@gmail.com मा पठाउनु होला।