वेस्ट इन्डिज नेदरल्यान्ड्ससँग सुपर ओभरमा पराजित
काठमाडौं : आईसीसी विश्वकप क्रिकेट छनोट अन्तर्गत समूह ‘ए’को सोमबार भएको खेलमा नेदरल्यान्डले वेस्ट इन्डिजलाई सुपर ओभरमा पराजित गरेको छ।
वेस्ट इन्डिजले दिएको ३७५ रनको लक्ष्य पछ्याएको नेदर्ल्यान्ड्स निर्धारित ५० ओभरमा ९ विकेट गुमाएर ३७४ रननै बनाएपछि खेल सुपर ओभरमा गएको थियो।
सुपर ओभरमा नेदरल्यान्ड्सले पहिला ब्याटिङ गर्दै ३० रन बनायो। उसको लागि लोगान भान वीकले तीन चौका र तीन छक्का हाने।
जवाफी ब्याटिङमा उत्रिएको वेस्ट इन्डिज ५ बलमै दुई विकेट गुमाएर जम्मा ८ रनमा समेटियो।
जितसँगै नेदरल्यान्ड्स समूहको दोस्रो स्थानमा उक्लिएको छ भने वेस्ट इन्डिज तेस्रो स्थानमै कायाम छ।
असार ११, २०८० सोमबार २१:२३:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
