भान वीकको सर्ट बलको सिकार भए रोहित, ११६ रनमा ६ विकेट गुमायो
काठमाडौं : आईसीसी विश्वकप क्रिकेट छनोट अन्तर्गतको आफ्नो अन्तिम खेलमा नेपालका कप्तान रोहित पौडेल आउट भएका छन्।
उनी नेदरल्याण्डका फास्ट बलर लोगन भान वीकको सर्ट बलको सिकार भएका हुन्। वीकको सर्ट बलमा सट खेल्न खोजेका उनी विक्रमजित सिंहबाट क्याचआउट भए।
जिम्बावेको बुलाभायामा टस हारेर पहिला ब्याटिङमा तानिएको नेपालले खराब सुरुवात गरेको छ।
त्यसअघि कुशल मल्ल १२ रन बनाएर आउट हुँदा आशिफ शेखलाई शून्यमै पेभेलियन फर्किएका थिए।
यस्तै, कुशल भुर्तेल २७, भीम सार्की २२ र आरिफ शेख ६ रनमा आउट हुन पुगे।
नेदरल्याण्डका विक्रमजित सिंह र भान वीकले समान दुई–दुई विकेट लिँदा क्लेटन फ्लोइड र आर्यन दत्तले समान एक–एक विकेट लिए।
असार ९, २०८० शनिबार १५:१३:२० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
