सुपर सिक्समा पुग्न नेदरल्याण्ड्सलाई हराउनैपर्ने दबाबमा नेपाल
काठमाडौँ : आईसीसी पुरुष विश्वकप छनोटमा आज नेपालले नेदरल्याण्डसँग खेल्दै छ। सुपर सिक्समा पुग्न नेपालले आज नेदरल्याण्डलाई हराउनै गर्ने दबाब छ।
नेपाली समयअनुसार दिउँसो पौने १ बजे टाकिसंहा क्रिकेट क्लबमा खेल हुँदै छ। नेपाल पराजित भएको खण्डमा भने समूह चरणबाटै बाहिरिने पक्का छ। नेपाल पहिलो खेलमा जिम्बावेसँग ८ विकेट विकेटले पराजित भएको थियो भने दोस्रो खेलमा अमेरिकालाई ६ विकेटले हराएको थियो। त्यस्तै तेस्रो खेलमा वेस्ट इन्डिजसँग १ सय १ रनको फराकिलो हार बेहोरेको थियो।
नेपालले आजको खेलमा टोलीमा कुनै परिवर्तन गर्ने सम्भावना छैन।
नेदरल्याण्डले यसअघि अमेरिकालाई ५ विकेटले हराएको थियो भने जिम्बाबेसँग ६ विकेटले हार बेहोरेको थियो।
नेदरल्याण्ड्सले नेपालपछि वेस्ट इन्डिजसँग खेल्नेछ।
असार ९, २०८० शनिबार ०७:४७:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
