म्यानचेस्टर सिटीका कप्तान गुन्डोगन बार्सिलोना जाने
काठमाडौं : इंग्लिस क्लब म्यानचेस्टर सिटीका स्टार मिडफिल्डर तथा कप्तान गुन्डोगन स्पेनिस क्लब बार्सिलोना जाने भएका छन्।
यो सिजन सिटीलाई तीन प्रमुख उपाधि (ट्रेवल) दिलाउन महत्वपूर्ण भूमिका खेलेका गुन्डोगन फ्रि ट्रान्सफरमा स्पेनिस लिग च्याम्पियन बार्सिलोना जान लागेका हुन्।
गुन्डोगानको सिटीसँगको सम्झौता यो सिजनको अन्त्यसँगै सकिदैछ भने उनी यसै महिना बार्सिलोनासँग अनुबन्धित हुने बताइएको छ।
यो वर्ष सिटिले च्याम्पियन्स लिग, प्रिमियर लिग र एफए कपको उपाधि जित्दा उनी प्रमुख खेलाडी थिए।
सिटीले पनि उनको सम्झौता बढाउन चाहेको थियो। तर उनले बार्सिलोना रोझे। बार्सिलोनासँग उनले ३ वर्षको लागि सम्झौता गर्न लागेको बताइएको छ।
सन् २०१६ मा सिटी आएका ३२ वर्षीय जर्मन मिडफिल्डर गुन्डोगानले सिटीका लागि ३०४ खेलमा ६० गोल गरेका छन्।
सात वर्ष सिटीमा रहँदा उनले पाँच प्रिमियर लिगसँगै १४ उपाधि जितेका छन्।
असार ८, २०८० शुक्रबार १३:५२:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
