नेपाल तुर्किमिनिस्तानसँग पराजित

किर्गिस्तानमा जारी सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगमा नेपाल तुर्किमिनिस्तानसँग पराजित भएको छ। 

किर्गिस्तानको बिस्केकस्थित स्पोर्ट्स एन्ड रिक्रिएसन कम्प्लेक्समा आज भएको खेलमा तुर्किमिनिस्तानले नेपाललाई ३-१ को सेटमा पराजित गरेको हो।

तुर्किमिनिस्तानले खेलको पहिले सेट २५-१८ ले आफ्नो पक्षमा पार्यो। त्यसपछि नेपालले खेलको दोस्रो सेट २६-२३ ले जित्यो तर त्यसपछिको सबै सेट तुर्किमिनिस्तानले आफ्नो पक्षमा पार्यो।

तुर्किमिनिस्तानले खेलको तेस्रो सेट २६-२४ ले जित्यो भने खेलको चौथो सेट २५-२० सहित विजयी भयो। 

जारी प्रतियोगितामा नेपालको यो लगातार चौथो हार हो। यसअघि नेपालले पहिलो खेलमा मंगोलिया, दोस्रो खेलमा आयोजक किर्गिस्तानको 'ए' टोली र तेस्रो खेलमा इरानसँग पराजित भएको थियो।

अब नेपालले आफ्नो पाँचौँ खेलमा किर्गिस्तानको ‘बी’ टोलीसँग भोलि खेल्नेछ। 

असार ७, २०८० बिहीबार २२:२२:१२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।