होपपछि पूरुनले नि हाने शतक, वेस्ट इन्डिज विशाल योगफलतर्फ उन्मुख

काठमाडौं : साइ होपले शतक हाने लगत्तै निकोलस पूरनले पनि नेपालविरुद्ध शतक प्रहार गरेका छन्।

विश्वकप छनोट खेलमा पूरनले ८१ बलमा ९ चौका र चार छक्काको सहयोगमा शतक पुरा गरेका हुन्। हाेपले १०७ बलमा ७ चौका र २ छक्काको मद्दतमा शतक बनाएका थिए।

दुवैको शतकपछि वेस्ट इन्डिजले ४० ओभरको खेल सकिंदासम्म ३ विकेटको नोक्सानीमा २४१ रन बनाएको छ।

यसअघि वेस्ट इन्डिजविरुद्ध नेपालले सानदार सुरवात गरेको थियो। पाँचौ ओभरमा नेपालले मात्र ९ रन दिएर वेस्ट इन्डिजको दुई विकेट लिन सफल भएको थियो।

दोस्रो ओभरको तेस्रो बलमा नै करण केसीले वेस्ट इन्डिजका ओपनर केयल मेयर्सलाई आउट गरे। मात्र १ रन जोडेका मेयर्सको बललाई कुशल भुर्तेलले क्याच गरेका थिए। जहाँ वेस्ट इन्डिजले मात्र २ रनमा पहिलो विकेट गुमायो।

यसपछि गुल्शन झाले पाँचौं ओभरको पहिलो बलमा नै जोनसन चार्ल्सलाई विकेट किपरद्वार डक आउट गराए। त्यस्तै सन्दीपले ब्रेन्डन किंगलाई ३२ रनमा आउट गर्दा वेस्ट इन्डिज ५५-३ मा पुगेको थियो।

तर पुरन र होपले सानदार खेल खेल्दै वेस्ट इन्डिजलाई बलियो अवस्थामा पुराए।

असार ७, २०८० बिहीबार १५:४८:२५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।