चर्चित फिल्म छक्कापञ्जा ४ देखि झिँगेदाउँसम्म देखाउँदै डिशहोम
काठमाडौँ : चर्चित नेपाली फिल्महरू डिशहोमले प्रदर्शन गर्ने भएको छ। नयाँ चलचित्र हेर्न छुटाएका र दोहोर्याएर हेर्न चाहने दर्शकलाई लक्षित गरेर वर्षभरि रिलिज भएका नयाँ नेपाली चलचित्र डिशहोमले प्रदर्शन गर्ने भएको हो।
कम्पनीका अनुसार उसले चर्चित फिल्म प्रेम गीत ३, छक्का पञ्जा ४, चिसो मान्छे, प्रकाश, कृष्ण लीला, माइकल अधिकारी, नाइँ नभन्नु ल ६, प्रसाद २, झिँगे दाउ लगायतका फिल्म प्रदर्शन गर्न लागेको हो।
प्रेम गीत ३ नेपालसँगै भारतमा समेत रिलिज भएको थियो। छक्का पञ्जा ४ सर्वाधिक कमाई गर्ने नेपाली फिल्म हो।चिसो मान्छे, झिँगे दाउ पनि सफल चलचित्र हुन्।
कम्पनीका अनुसार यी फिल्महरू डिशहोमको सिनेमा घर च्यानल नम्बर १०८ मा बिहान १, ४, ७, १०, दिउँसो १, ४, साँझ ७ र राती १० बजे प्रदर्शन हुनेछ।
असार ६, २०८० बुधबार १८:१६:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
