अमेरिकाविरुद्ध नेपालले टस जित्यो, पहिले बलिङ गर्दै
काठमाडौं : नेपालले एकदिवसीय विश्वकप छनोट अन्तर्गत अमेरिकासँगको खेलमा टस जितेको छ।
जिम्बावेमा जारी प्रतियोगिताको आफ्नो दोस्रो खेलमा नेपालका कप्तान रोहित पौडेलले टस जितेर पहिला बलिङ गर्ने निर्णय गरे।
चोटका कारण नेपालका तीव्र गतिका बलर सोमपाल कामीले आजको खेल नखेल्ने भएका छन्।
यस खेलमा खराब स्वास्थ्य अवस्थाका कारण अमेरिकाका कप्तान मोनांक पटेल पनि टिममा छैनन्। अमेरिकाका उपकप्तान आरोन जोन्सले आजको खेलमा कप्तानी गर्नेछन् ।
प्रतियोगिताको पहिलो खेलमा जिम्बाबेसँग हारेको नेपाल अमेरिकालाई हराएर प्रतियोगितामा पहिलो जितको खोजीमा छ। नेपाल जिम्बाबेसँग ८ विकेटले पराजित भएको थियो। अमेरिका भने वेस्टइन्डिजसँग ३९ रनले पराजित भएको थियो।
असार ५, २०८० मंगलबार १२:४२:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
