जिम्बाबेसँग पराजित नेपाल अमेरिकासँग खेल्दै, सोमपालले आजको खेल गुमाउन सक्ने
काठमाडौँः आईसीसी एक दिवसीय विश्वकप छनोट प्रतियोगिताअन्तर्गत आज नेपालले अमेरिकासँग प्रतिस्पर्धा गर्दै छ।
जिम्बाबेको राजधानी हरारेस्थित टागासिंगा स्पोर्टस् क्लबमा खेल नेपाली समयअनुसार अपराह्न १२ः४५ मा सुरु हुनेछ।
प्रतियोगिताको पहिलो खेलमा जिम्बाबेसँग हारेको नेपाल अमेरिकालाई हराएर प्रतियोगितामा पहिलो जितको खोजीमा छ।
पहिलो खेलमा वेस्ट इन्डिजसँग पराजित भएको अमेरिका पनि पहिलो जित निकाल्ने लक्ष्यका साथ मैदान उत्रिनेछ। नेपाल जिम्बाबेसँग ८ विकेटले पराजित भएको थियो।
यसैबीच जिम्बावेसँगको खेलमा घाइते भएका बलर सोमपाल कामीले अमेरिकासँगको खेल गुमाउन सक्ने भएका छन्।दायाँ हातको बुढी औंलामा चोट लागेका उनलाई आज आराम दिइने क्यान स्रोतले बताएको छ।
असार ५, २०८० मंगलबार ११:०५:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
