एक गोल पनि नखाई भारतले जित्यो इन्टरकन्टिनेन्टल कपको उपाधि
साफ च्याम्पियनसिप नजिकिँदै गर्दा भारतले इन्टरकन्टिनेन्टल कपको उपाधि जितेको छ।
आइतबार राति भारतको कालिङ्गा स्टेडियमको फाइनल खेलमा आयोजक भारतले लेवनानलाई २-० ले पराजित गर्यो।
भारतका लागि कप्तान सुनिल क्षत्री र लालिबन्जुआला छाङ्ग्टेले एक-एक गोल गरे। चार देश सम्मिलित उक्त प्रतियोगितामा भारतले एक गोल पनि खाएन।
भारतले उपाधिसँगै ५० हजार अमेरिकी डलर तथा उपविजेता लेवनानले २५ हजार डलर प्राप्त गरे। प्रतियोगितामा भारतसँगै लेवनान, भानुअटु र मंगोलियाको सभागिता रहेको थियो।
भारतले यसअघि सन् २०१८ मा पहिलो संस्करणको उपाधि जितेको थियो।
असार ४, २०८० सोमबार ०९:४०:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
