क्रोएसियालाई हराउँदै स्पेनले जित्यो यूईएफए नेसन्स लिगको उपाधि

स्पेनले यूईएफए नेसन्स लिगको उपाधि जितेको छ। 

नेदरल्याण्डको डि क्विप मैदानमा स्पेनले क्रोएसियालाई ट्राइब्रेकरमा ५-४ गोलअन्तरले हराएको हो। 

निर्धारित र अतिरिक्त समयमा कुनै गोल निस्कन नसकेपछि खेलको निर्णय टाइब्रेकरबाट लिइएको थियो। 

स्पेन अघिल्लो संस्करणको उपविजेता पनि हो। स्पेनको जितमा गोलकिपर युनाइ सिमोन नायक बने। 

टाइब्रेकरमा स्पेनका जोसेलु, रोड्री, मिकेल मेरिनो र मार्को एसेन्सियोले गोल गरे। एमेरिक लापोर्टालेको प्रहार क्रसबारमा लाग्दै बाहिरिएको थियो। 

क्रोएसियाका निकोला भ्लासिक, मार्सेलो ब्रोजोभिच, लुका मोड्रिच र इभान पेरिसिचले गोल गर्न सफल हुँदा लोभ्रो माजेरको प्रहारलाई गोलरक्षक युनाई सिमोनले बचाए । 

त्यसपछि सडन डेथमा क्रोएसियाका ब्रुनो पेटकोभिचको प्रहार स्पेनका गोलरक्षक युनाई सिमोनले बचाउँदा स्पेनका ड्यानिल कार्भाजलले गोल गदै टोलीलाई च्याम्पियन बनाए। 

असार ४, २०८० सोमबार ०८:०८:०५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।