युरो कप छनोटमा पोर्चुगलको लगातार तेस्रो जित
एजेन्सी : ब्रुनो फर्नान्डेस चम्किंदा युरो कपको छनोट खेलमा पोर्चुगलले बोस्निया हर्जगोभिनालाई ३-० ले हराएको छ। घरेलु मैदानमा पोर्चुगलको जितमा ब्रुनोले दुई गोलसँगै एक असिस्ट गरे।
गए राति भएको खेलो ४४ औं मिनेटमा ब्रुनोको पासमा बर्नाडो सिल्भाले गोल गर्दै पोर्चुगललाई १-० को अग्रता दिलाएका थिए।
खेलको ७७ औं मिनेटमा ब्रुनोले गोल गर्दै पोर्चुगलको अग्रता दुगुना पारे। यसपछि इन्जुरी समयमा व्यक्तिगत दोस्रो गोल गर्दै उनले पोर्चुगलको ३-० को जित पक्का गरे।
छनोट चरणमा लगातार तेस्रो जितसँगै पोर्चुगल ३ खेलबाट ९ अंक जोडेर समूह ‘जे’ को शीर्षस्थानमा रहेको छ।
असार ३, २०८० आइतबार ०९:३८:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
