विश्वकप छनोटअघिको अन्तिम तयारीमा नेपाली टोली (फोटोफिचर)

काठमाडौं : एकदिवसीय विश्वकप छनोटका लागि जिम्बावेमा रहेको नेपाली टोलीले घरेलु टोलीविरुद्ध उद्घाटन खेल खेल्नुअघि अन्तिम तयारी गरेको छ।

शनिबार हरारेमा नेपाली टोलीले जिम्बावेविरुद्धको खेलअघि अन्तिम तयारी गरेको हो।  आइतबार नेपाली समयअनुसार पौने १ बजेबाट नेपाल र जिम्बावेबीचको खेल हुनेछ।

नेपाली क्रिकेट टोली आफ्नो इतिहासको एक उत्कृष्ट लयमा छ। ६ महिना अघि नेपालको विश्वकप छनोट यात्रा अकल्पनीय नै थियो।

तर, नेपालले आईसीसी विश्वकप लिग–२ मा पछिल्ला १२ मध्ये ११ खेलमा जित हात पारेपछि सोझै विश्वकप छनोटमा स्थान बनाउन सफल भएको हो।

मोन्टी देशाई मुख्य प्रशिक्षक बनेर आएपछि नेपालले खेलेका १७ अन्तर्राष्ट्रिय खेलमा एकमा मात्रै हार बेहोरेको छ।

पछिल्लो पटक विश्वकप छनोट जिम्बावेमै २०१८ मा भएको थियो। त्यो समय नेपालको लक्ष्य ओडिआई हुँदा अहिले सुपर सिक्समा प्रवेश गर्नेछ।

असार २, २०८० शनिबार २०:३९:०० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।