‘आदिपुरुष’को अलोचना गर्दा प्रभासका फ्यानले कुटे दर्शक (भिडियो)
एजेन्सी : दक्षिण भारतीय अभिनेता प्रभास र कृति सेननको फिल्म आदिपुरुष रिलिज हुनेबित्तिकै चर्चा र विवादको भूमरीमा घेरिएको छ।
दर्शकहरुले फिल्मको बारेमा मिश्रित प्रतिक्रिया दिएका छन्। केहीले राम्रो भनेका छन् भने फिल्म हेर्ने अधिकांशले अपेक्षाअनुसार नभएको बताएका छन्।
धेरैले फिल्मको भिएफएक्स र यसमा राखिएका संवादहरूलाई लिएर प्रश्न गरिरहेका छन्। नेपालमा पनि फिल्मको संवादलाई लिएर विवाद उत्पन्न भएको थियो।
यसैबीच, सामाजिक सञ्जालमा एक व्यक्तिलाई फिल्मको कमजोरी बताएर आलोचना गर्नु महंगो परेको छ। ती व्यक्तिले फिल्मको भीएफएक्स र प्रभासको अभिनयबारे आलोचना गरे।
मिडियासँग कुरा गर्दै ती युवककेटाले भने, ‘फिल्मका राक्षसहरूलाई प्ले स्टेसनको कार्टुनजस्तै देखाइएको छ। भगवान रामको चरित्र प्रभासलाई अलिकति पनि सुहाएको छैन। ओम राउतले फिल्ममा प्रभासलाई राम्रोसँग देखाउन सकेका छैनन्।’
उनले यति भनिनसक्दै प्रभासका केही फ्यानहरू त्यहाँ आएर ती युवकसँग झगडा मात्र गरेनन् कुटपिट नै गर्न थाले। त्यसपछि त्यहाँ भएका अन्य मानिसले युवकलाई बचाएका थिए।
भिडियो-
#Adipurush - #Prabhas fans beating the public for giving genuine review 🙄
— VCD (@VCDtweets) June 16, 2023
Worst behavior 👍#AdipurushTickets #AdipurushOnJune16pic.twitter.com/zV8waEWm4z
असार २, २०८० शनिबार १८:१८:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
