पाेखरामा पहिलो अन्तर्राष्ट्रिय उडान गर्दै सिचुवान एयरलाइन्स
कास्की : पोखरा अन्तर्राष्ट्रिय विमानस्थलबाट चिनियाँ विमान कम्पनी सिचुआन एयरलाइन्सले पहिलो अन्तर्राष्ट्रिय उडान गर्ने भएको छ।
नेपाल नागरिक उड्डयन प्राधिकरण र सिचुआन एयरलाइन्सबीच भएको छलफलपछि असार ६ गते चीनकाे छेन्दुबाट पाेखरा अन्तर्राष्ट्रिय विमानस्थलमा चार्टड उडान गर्न लागेको प्राधिकरणले जनाएको छ।
‘चीनको सिचुआन एयरलाइन्सलाई चीनको छेन्दुबाट पोखरा अन्तर्राष्ट्रिय विमानस्थलमा आगामी जुन २१ मा चार्टर्ड उडानका लागि अनुमति प्रदान गरिएको छ। एयरलाइन्ससँग नियमित उडानका लागि छलफल चलिरहेको छ’, प्राधिकरणले भनेको छ।
गत जनवरी १ अर्थात पुस १७ गते प्रधानमन्त्री पुष्पकमल दाहाल ‘प्रचण्ड’ले उद्घाटन गरेको विमानस्थल २२ अर्ब रूपैयाँको लगानीमा बनेको हो।
असार २, २०८० शनिबार १५:५६:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
